غونډی

یکشنبه ۱۳۹۹/۱۲/۳ - ۱۴:۳۶
Background image

د مورنۍ ژبې نړيواله ورځ ونمانځل شوه

کابل، د ۱۳۹۹هـ. ش کال د کب ۳مه د علومو اکاډمي: د افغانستان کلتوري ټولنو ګډې جرګې له خوا د علومو اکاډمۍ د علامه کهزاد په تالار کې د فبروري ۲۱مه د مورنۍ ژبې نړۍ واله ورځ نمانځغونډه ترسره شوه چې ويناوالو په کې د مورنۍ ژبې پر اهميت او ارزښت خبرې وکړې. په غونډه کې د علومو اکاډمۍ علمي غړو او څېړونکو، د پوهنتونونو استادانو، ګڼ شمېر ماشومانو او نورو مینه نوالو ګډون کړی وو. غونډه د اسدالله عادل د قرآن پاک په تلاوت سره پیل شوه او ورپسېد پوهنتونونو د استادانو د اتحادیې رئیس پوهاند نجیب الله امرخېل پرانیسته وينا وکړه. ده وویل: ژبه د بشریت روح او تکامل دی، که انساني ټولنې څخه ژبه واخیستل شي، انساني ټولنه په ټپه درېږي. همدارنګ په مورنۍ ژبه د زده کړو حق نه لرل، د نوموړې ټولنې او قوم لپاره ستر خنډ او د همدې ټولنې او قوم په حق کې جفا ده.

دوشنبه ۱۳۹۹/۱۱/۲۰ - ۱۴:۲۷
Background image

له ګاونډیو هېوادونو سره د افغانستان د اړیکو څېړنه (۲۰۰۱ – ۲۰۱۴) د علمي- څېړنیزې پروژې دفاعیه غونډه

د افغانستان د علومو اکاډمي د سیمه ییزو مطالعاتو مرکز علمي غړي څېړندوی محمد سرور احمدزي څېړنوال علمي رتبې ته د ترفیع په موخه د ۱۳۹۹ ل. کال د دلوې میاشتې پر ۱۹مه نېټه د سیمه ییزو مطالعاتو مرکز د محمود طرزي فکري بنسټ په تالار کې له خپلې علمي – څېړنیزې پروژې څخه په بریالیتوب سره دفاع وکړه. لومړی د څېړونکي لیکل شوي علمي - څېړنیزې اثار، ژوندلیک او ورپسې د لارښود استاد نظر او لیکل شوي تقریظونه ولوستل شول. د یادونې وړ ده چې په دغه علمي – څېړنیزه پروژه باندې څېړنپوه عبدالصمد عزیزي، څېړنوال بخت محمد بختیار او پوهاند دکتور نقیب الله ثاقب تاییدي تقریظونه لیکلي وو.

پنجشنبه ۱۳۹۹/۱۱/۱۶ - ۹:۲۸
Background image

جلسه شورای علمی اکادمی علوم برگزار گردید

شورای علمی اکادمی علوم جلسه نوبتی خویش را به روز سه شنبه مورخ ۱۴ دلو سال ۱۳۹۹هـ.ش برگزار نمود. در این جلسه برعلاوه بحث روی رساله های علمی- تحقیقی اعضای علمی بخش های مختلف اکادمی علوم، پلان های پروژه های جدید علمی- تحقیقی تایید و تصویب گردید . در پایان این جلسه بحث پیرامون موضوعات مختلف علمی و اداری نیز صورت گرفت.

پنجشنبه ۱۳۹۹/۱۱/۹ - ۹:۴۰
Background image

د «فرانسوي – پښتو سیند» اثر مخکتنه وشوه

د ښاغلي ډاکټر محمد اکبر وردګ «فرانسوي – پښتو سیند» اثر مخکتنه د افغانستان د علومو اکاډمي د علامه احمد علي کهزاد د سیمینارونو او کنفرانسونو په تالار کې د چهارشنبې پر ورځ د سلواغې پر ۸مه وشوه. په دغې غونډه کې د علومو اکاډمۍ پر علمي غړو سربېره، پوهانو، فرهنګيانو، محصلينو او د ادب مینه والو ګډون کړی وو. غونډه د قرآن کریم په تلاوت او د ملي سرود په غږولو سره پیل شوه. دغه قاموس په فرانسه کې مېشت قاموس ليکونکي ډاکټر محمد اکبر وردګ لیکلی چې څه باندې ۶۰۰ مخونه لري او ۴۱زره لغتونه په کې راغلي او په دې وروستيو کې فرانسه کې چاپ شوی دی. د افغانستان د علومو اکاډمي عمومي رئیس څېړنپوه دکتور عبدالظاهر شکیب د جلالتمآب جمهور رئیس محمد اشرف غني پیغام ولوست چې په کې راغلي وو: د تېرو څلورو لسیزو جګړو په نتیجه کې زموږ ګڼ شمېر پوهان او متخصصان اړ ایستل شول چې له وطنه ووځي او دا فرصت و نه مومي چې خپله پوهه او مهارت د هېواد د خلکو لپاره وکاروي. له نېکه مرغه موږ د پوهاند ډاکټر وردګ غوندې داسې مهاجر پوهان او دانشمندان هم لرو چې په پردېسۍ او جلاوطنۍ کې هم د پلارني هېواد لپاره کار کوي او خولې تویوي. په پیغام کې زیاته شوې وه، د افغانستان له علومو اکاډمي مننه کوي چې د پوهاند ډاکټر وردګ د یوه مهم خدمت د معرفي کولو او قدردانۍ غونډه يې جوړه کړې ده. د علومو اکاډمي عمومي رئیس څېړنپوه دکتور عبدالظاهر شکیب په خپلې پرانيستې وينا کې وویل: په پښتو ژبه کې قاموس لیکنه دوه نیم سوه کاله مخکې د تیمورشاه درانۍ په وخت کې د یوه ختیځپوه له خوا پيل شوې ده.

سه‌شنبه ۱۳۹۹/۱۱/۷ - ۹:۳۴
Background image

د علومو اکاډمي د درېيو متقاعدو استادانو ویاړ غونډه جوړه شوه

د افغانستان د علومو اکاډمي د ژبو او ادبیاتو مرکز د پښتو ژبې او ادبیاتو انستیتوت د درېيو پياوړو څېړونکو او استادانو هر یو څېړنپوه نصرالله ناصر، څېړنپوه مولاجان تڼېوال او څېړنوال زکریا ملاتړ د ترسره کړو علمي – څېړنیزو خدمتونو په پار ویاړ غونډه جوړه شوه. دغه غونډه د ژبو او ادبياتو مرکز د پښتو ژبې او ادبياتو انستيتوت په نوښت او د دري ژبې او ادبياتو انستيتوت په همکارۍ جوړه او ترسره شوه. د غونډې په پیل کې د علومو اکاډمي عمومي رئیس څېړنپوه دکتور عبدالظاهر شکیب له نوموړو استادانو سره د خاطرو د یادولو ترڅنګ وویل، يادو شويو درېيو استادانو کابو نيمه پېړۍ د علم، فرهنګ او ادبیاتو په برخه کې کار کړی او اوس يې هم کوي، چې د دوی دغه خدمات د قدر وړ دي. دوی ټولو ځوان علمي کدرونه علمي- څېړنيو مسايلو ته متوجه کړي او هڅولي دي. د ژبو او ادبیاتو مرکز رئیسې څېړنوالې عاطفې نورستانۍ وویل، يادو شويو درېيو استادانو مونږ ته قلم په لاس کې راکړی او په علمي برخه کې يې د څېړنو لپاره لارښوونې کړې او لاسنيوی یې کړی دی.

دوشنبه ۱۳۹۹/۱۰/۲۹ - ۱۴:۵۳
Background image

«په پښتونخوا کې پښتو لنډه کیسه» اثر مخکتنه وشوه

د «په پښتونخوا کې پښتو لنډه کیسه» کتاب چې مرحومې څېړنوالې ګل غوټۍ خاورې لیکلی، د مخکتنې غونډه يې د ۱۳۹۹هـ. ش کال د جدي په ۲۹مه نېټه د دوشنبې پر ورځ د افغانستان د قلم ټولنې له خوا د علومو اکاډمي د علامه احمد علي کهزاد د سیمینارونو او کنفرانسونو په تالار کې جوړه شوه. په دغې غونډه کې د علومو اکاډمی علمي غړو، د فرهنګ او ادب مینه والو او د غوټۍ خاورې د کورنۍ غړو ګډون کړی وو. دغه اثر د افغانستان د علومو اکاډمي د اطلاعاتو او عامه اړيکو رياست له خوا چاپ شوی چې ۴۸۵ مخونه او پر سریزې سربېره ۷ څپرکي، پایله او وړاندیزونه لري. غونډه د قرآن کریم په تلاوت سره پیل شوه او ورپسې ملي سرود وغږول شو. د علومو اکاډمۍ علمي غړې څېړندویې نازو کمال د خدای بخښلې خاورې ژوندلیک ولوست چې په کې راغلی وو: ګل غوټۍ خاورې د شاه ولي خاورې لور په 1340 لمریز کال د کب په میاشت کې د ننګرهار ولایت د روداتو ولسوالۍ په حصار شاهي کلي کې زېږېدلې ده، هغې د اکاډمیکو چارو ترڅنګ، په باختر آژانس، ملي راډیو تلویزیون او د هېواد په بېلابېلو دولتي ورځپاڼو کې ژورنالستیک کارونه هم پر مخ وړي دي.

چهارشنبه ۱۳۹۹/۱۰/۲۴ - ۱۰:۹
Background image

د علومو اکاډمي د علمي شورا غونډه

د افغانستان د علومو اکاډمۍ علمي شورا خپله نوبتي غونډه د ۱۳۹۹هـ. ش کال د جدي مياشتې پر ۲۳مه نېټه ترسره کړه. په دې غونډه کې د علومو اکاډمي د بېلا بېلو علمي برخو د علمي کادر د غړو علمي- څېړنيزې رسالې او د نويو علمي- تحقیقي پروژو پلانونه تایید او تصویب شول. پردې سربېره د علومو اکاډمي د علمي او اداري برخو پر مختلفو مسايل بحث او پرېکړې وشوې.

سه‌شنبه ۱۳۹۹/۹/۱۸ - ۱۰:۴۲
Background image

د علومو اکاډمي د نشراتي کمیسیون غونډه جوړه شوه

کابل: د افغانستان د علومو اکاډمۍ، نشراتي کمیسیون خپله نوبتي غونډه د ۱۳۹۹هـ. ش کال د قوس مياشتې پر ۱۷مه نېټه ترسره کړه. په دې غونډه کې د نشراتي کمیسیون غړو ګډون کړی وو او په کې کمیسیون ته د راجع شويو آثارو په اړه بحث او لازمې پرېکړې وشوې.

دوشنبه ۱۳۹۹/۹/۱۷ - ۱۰:۲
Background image

«د ښځو پر وړاندې د تاوتریخوالي د مخنیوي» غونډه جوړه شوه

کابل، د علومو اکاډمي: د افغانستان د علومو اکاډمي د جندر آمریت له خوا «د ښځو پر وړاندې د تاوتریخوالي د مخنیوي» په نوم غونډه د ۱۳۹۹ هـ. ش کال د لیندۍ میاشتې په ۱۶مه نېټه د یکشنبې پر ورځ ترسره شوه. غونډه د قرآن کریم په تلاوت او د ملي سرود په غږولو سره پیل شوه. د افغانستان د علومو اکاډمي د بشري علومو مرستیال څېړنپوه دکتور محمد علم اسحاقزي په خپلې پرانیستې وينا کې وویل: د دې ورځې په نمانځلو سره مونږ د ښځو له حقوقو ملاتړ کوو او ټول نارینه مکلف دي چې د اسلام د مقدس دین په رڼا کې ځان د ښځو له حقونو خبر کړي.

Pagination